Заман талабына сай келешек ұрпақтың сұранысын қанағаттандыратын еліміздегі білім беру процесіне енген жаңартылған білім беру бағдарламасын бойынша мектеп мұғалімдері өз білімдерін көтеріп, оң өзгерістер көрсетіп келе жатқаны бізге мәлім. Осыған орай бүгінгі таңда жоғарғы және орта кәсіптік білім беретін оқу орындары оқытушыларына да тамаша мүмкіндік туып отыр. Міне білім беру жүйесіндегі өзгеріске бізде дайынбыз деп айта аламыз. Себебі осы бағдарлама идеясын игерген біз, алдымызда отырған болашақ педагогтарды осы бағдарламадағы модуль идеяларымен қаруландырамыз [4].
Алғашында өз басым осы курсқа келер алдында көзқарасым екі ұшты болды. Жоғары оқу орындарының және гуманитарлық колледждерінің бітіруші курс студенттеріне қосымша білім беру бағдарламасы бойынша тренерлерді оқыту курсының Үшінші деңгей бағдарламасы бойынша білімімді көтергенім, менің педагогикалық тәжірибеме оң өзгерістер алып келді. Себебі курсқа дейінгі педагогикалық тәжірибемде оқу-тәрбие процесінде оқытудың жаңа әдіс-тәсілдерінің тек қана элементтерін қолданатын едім, себебі бағдарламаның идеясымен және мазмұнымен толық таныс болмадым. Курс аясында алдағы педагогикалық тәжірибеме жаңа қадам болатындай білімімді көтеріп жетілдірдім десем қателеспеймін. Себебі курстың өн бойы Үшінші деңгей бағдарламасының бірінші "Бетпе-бет" кезеңінде идеясы және мазмұнымен жан-жақты талдау жасап, толықтай таныс болдық.
Болашақ мұғалімдерге қосымша кәсіби білім беруге бағытталған заманауи ғылыми ғылыми зерттеулердің шынайы нәтижелерінің және оқытудың озық практикалық тәжірибесінің ықпалдасуын көрсете отырып,қазақстандық білім беру жүйесін дамытудың стратегиялық жоспарларының мақсаттарына сәйкес келеді. Бағдарламаны іске асырудың тақырыптық мазмұны ЮНЕСКО және Экономикалық ынтымақтастық және даму ұйымының білім алушылардың функционалдық сауаттылығын дамыту жөніндегі ұсыныстарының негізгі қағидаттарымен үйлеседі, сондай-ақ олар Үшінші деңгей бағдарламасының жеті модулі мәнмәтінінде мектеп тәжірибесінде табысты қолдануға ықпал ететін әдістемелік сипаттағы бірқатар жалпы ұсыныстардан тұрады:
- Оқыту мен оқудағы жаңа тәсілдер;
- Сын тұрғысынан ойлауға үйрету;
- Оқу үшін бағалау және және оқуды бағалау;
- Оқытуда ақпараттық- коммуникациялық технологияларды пайдалану;
- Талантты және дарынды балаларды оқыту;
- Оқушылардың жас ерекшеліктеріне сәйкес оқыту және оқу;
- Оқытуды басқару және көшбасшылық [3, б.99].
Тәжірибе жинақтау барысында білім алушының сыни ойлауын, сөйлеу дағдысын, топпен қауымдасып жұмыс жасай алуын, идеяларын дәлелдей алатындай зерттей алу қабілетін, ашатын модуль стратегияларын қолдануым сабағымдағы сәтті тұстар деп айтар едім. Мысалы:
- Джигсо
- Ыстық орындық
- Постер қорғау
- Көзбен көретін айғақтар негізінде сыни ойлауға үйрету
- Ойлан-жұптас-бөліс
- Диалогтық оқыту
- Ақылдың алты қалпағы» (Эдвард де Боно)
- Сократтық семинар әдіс-тәсілдерін пайдаландым [1, б.253].
Сабақ соңында кері байланыс жазуда білім алушыларым стратегиялардың тиімділігін айта келіп, өз тәжірибелерінде қолданамыз деген ой – пікірлері маған үлкен сенім ұялатты. Бұл менің жұмысымның нәтижесі деп айтар едім [2, б.5].
Қорытындылай келе, келешек біздің болашағымыз жастардың қолында, сондықтан жастардың келешекті қалай жасайтындығы біздің, мұғалімдердің, қолында, сондықтан біз өмір бойы білім алуға, жастарды өмір бойы білім нәрімен сусындатудан жалықпауымыз керек деп білемін.
Әдебиеттер:
- Қазақстан Республикасы педагог қызметкерлерінің біліктілігін арттырудың деңгейлі бағдарламасының негізінде әзірленген педагог кадрларды даярлайтын жоғары оқу орындарының бітіруші курс студенттеріне қосымша кәсіби білім беру бағдарламасы. ҮЛЕСТІРМЕ МАТЕРИАЛДАР БІРІНШІ АПТА Бірінші "бетпе - бет" кезеңі. "Назарбаев Зияткерлік мектептері" ДББҰ, 2015.
- Қазақстан Республикасы педагог қызметкерлерінің біліктілігін арттырудың деңгейлі бағдарламасының негізінде әзірленген педагог кадрларды даярлайтын жоғары оқу орындарының бітіруші курс студенттеріне қосымша кәсіби білім беру бағдарламасы. ТРЕНЕРГЕ АРНАЛҒАН НҰСҚАУЛЫҚ. "Назарбаев Зияткерлік мектептері" ДББҰ, 2015.
- Қазақстан Республикасы педагог қызметкерлерінің біліктілігін арттырудың деңгейлі бағдарламасының негізінде әзірленген педагог кадрларды даярлайтын жоғары оқу орындарының бітіруші курс студенттеріне қосымша кәсіби білім беру бағдарламасы. СТУДЕНТКЕ АРНАЛҒАН НҰСҚАУЛЫҚ. "Назарбаев Зияткерлік мектептері" ДББҰ, 2015.
- https://infourok.ru/material.html?mid=56738
