Болашақ» медицина колледжі орта буынды медицина мамандарын алты мамандық бойынша 2013 жылдан дайындап келеді.
Қазақстан Республикасы Білім және ғылым министрлігінің Қызылорда облысының Білім саласындағы бақылау департаментінің 29.08.2013 жылғы №313-Н бұйрығының негізінде «Болашақ» медицина колледжі мекемесіне төмендегі мамандықтар бойынша №13013629 мемелекеттік лицензиясы және оған қосымша берілді:«Емдеу ісі», «Медбикелік іс», «Стоматология», «Лабораториялық диагностика»,«Фармация».
Мейірбикелік көмектің сапасы жұмыс барысында кәсіби информацияларды қолдана отырып, жаңа ұйымдастыру формаларын енгізумен, жаңа стандарттармен және технологиялармен жұмыс жасау арқылы іске асылатыны белгілі. Сол себепті қазіргі таңда мейірбикелерді дайындауда тек білім мен оны қолдана білуді үйретіп қоймай, оларды өз алдына кәсіби маман ретінде дайындап, ізденуіне және өз мамандығы аясында шешім қабылдай білуге қабілетті болуға күш салу болып табылады.
«Мейірбике ісі» мамандығы бойынша оқытудағы инновацияны дамытудың бір бағыты қарапайым медициналық қызметтің стандартты технологияларын енгізу. Оның мәні мен мағынасы мейірбике іс-әрекетін алгоритмдеу, яғни негіз ретінде қабылданатын үлгі, эталонын жасау (стандарттау). Алгоритм- іс-әрекеттің ретімен жасалатын нұсқауы болса, стандарт- кешенді ережелермен талаптар жиынтығын құрайтын құжат. Осыған байланысты Қазақстан Республикасы Денсаулық сақтау Министрлігінің бұйрықтарына сүйене отырып, колледж оқытушылары орта буын медицина қызметкерлеріне арнап мемлекеттік және орыс тілдерінде іс әрекет стандарттарын жасап шығарды (260 бет). Ол оқу барысында қолданылуда. Сонымен қатар «Мейірбике ісі» сабағында жаңа информациялық технология ретінде дәріс беруде мультимедиялық «презентацияны» қолдану да, патологиялық анатомия сабағында дайындалған ылғалды препараттарды да (сиам егіздері, жатырдан тыс жүктілік, туа пайда болған аурулар, әр түрлі қатерлі қатерсіз ісіктер және т. б.) көрнекі құрал ретінде қолдану орын алуда.
Кабинеттер мен зертханалардың колледж бойынша жабдықталуы 75-87% құрайды. Жалпы кәсіби пәндердің кабинеттері интерактивті тақтамен, арнайы мультимедия және интернетпен қамтылып, заманауи ақпараттық технологиялар тиімді қолданылуда.
Тәжірибелік кабинеттер оқу үрдісіне қажет құрал-жабдықтармен, манекендермен, муляждармен, фантомдармен, клиникаға дейінгі кабинеттер электронды симуляциялық тренажорлармен жабдықталған.
Симуляциялық оқыту орталығы колледждің құрылымдық бөлімшесі және денсаулық сақтау саласындағы үздіксіз кәсіби білім беру аясында оқытуды заманауи ұйымдастыру түрлері мен әдістерін іске асыратын оқу орталығы болып табылады. Барлық алты симуляциялық кабинеттерге видеокамералар орнатылып, ол оқу кабинетімен жалғастырылған. Осындай инновация сабақ барысында қолданылып, студенттердің жіберген қателері басқа оқу кабинетінде талқыланып, оқу процесін жақсартуға септігін тигізеді.
Атап айтқанда, мейірбике ісі негіздері симуляциялық кабинетінде студенттер тері ішіне, тері астына, күре тамырға, бұлшық етке салу үшін арнайы фантомдармен муляждарда қолдарын жаттықтырады, асқазанды жуу, асқазан сөлін алу, клизма түрлерін қою, лабораториялық зерттеулерге зәр, нәжіс, жұғынды, қақырық алу, жүрек-өкпе реанимациясы сияқты сабақтар тәжірибеде көрсетіледі.«Мейірбике ісі» мамандығы бойынша оқытудағы инновацияда кабинеттердің оқу құралдарымен жабдықталуының маңызы зор.
Студенттердің компьютерлік сауаттылығын арттыру мақсатында стандарт бойынша информатика сабағы жүргізіледі (184 сағат). Студенттер әр түрлі тасымалдаушылармен жұмыс істеп жүйелеуді, талдауды және информацияны алып, жинақтауды үйренуде. Қазіргі заманғы жаңа технология тек оқу процесіне көмегін тигізбей қоймай, практикалық іс шараларды іске асыруға да септігін тигізеді. Оның үстіне көптеген емдеу алдын алу мекемелерінде статистика саласын, ауру тарихын автоматтандыру жүйелі түрде енгізілуде.
Сонымен қатар студенттер емдеу және алдын алу мекемелерінде аурухана ішілік инфекцияны алдын алу мәселерінен, емханамен ауруханадағы бөлімдердің мейірбике қызметкерлерінің сапа критерий жұмыстарынан да тәжірибе жинақтайды.
Қазақстан Республикасында мейірбике мамандығының барлық деңгейлері бойынша мамандар дайындалуда. «Болашақ» медицина колледжінде қолданбалы бакалавриатты енгізу мақсатында колледжде өз -өзін бағалау жұмыстары жүргізіп, ҚР денсаулық министрлігіне ұсыныс берілді.
Қорыта келе, «Болашақ» медицина колледжінің әкімшілігі өзінің негізгі міндетін оқу барысындағы сапаны жақсарту үдерісіне оқытушыларды саналы түрде тартып, аталған оқу сапасын жақсартуда Европаның маман дайындауда басшылық нұсқауларын орындауды мақсат етеді және ұжымды осыған жұмылдырады.
