O‘quvchilarda kreativ fikrlashni rivojlantirishda xalqaro tadqiqotlarning o‘rni



Mamlakatimizda ta’lim-tarbiya tizimiga e’tibor berilib, o‘quvchi yoshlarimizning jahon andozalariga mos ravishda zamonaviy bilim va kasb-hunarli bo‘lishi, jismonan va ma’nan yetuk insonlar bo‘lib ulg‘ayishi, ularning qobiliyat va iste’dodini yuzaga chiqarish ularning qalbida vatanparvarlik, insoniylik,kasbiga fidoiylik tuyg‘ularini rivojlantirish kabi ulkan ishlar rejalashtirilib,ketma-ketlikda amalga oshirilmoqda.

Kalit so‘zlar: kreativ fikrlash, xalqaro tadqiqotlar, PISA.

В нашей стране уделяется большое внимание системе образования. Современные образовательные стандарты ориентированы на мировые, для воспитания отечественных учащихся с качественными востребованными знаниями и навыками, физически и духовно зрелыми людьми. Взросление должно способствовать раскрытию способностей и талантов, личных качеств, таких как чувства патриотизма, человеколюбия, преданности своей профессии. В этой статье показаны пути последовательного осуществления таких целей.

Ключевые слова: креативное мышление, международные исследования, PISA.

Dunyoning turli mintaqalarida kreativ tushinchalar insoniyat madaniyatining ravnaq topishiga, tabiiy, falsafa san’at va gumanitar fanlarning rivojlanishiga asos bo‘ldi. Kreativ fikrlash shunchaki tasodifiy fikrlashdan farq qiladi. Kreativ fikrlash bilim va tajribaga asoslangan haqiqiy kompitensiya bo‘lib, insonlarning keskin va murakkab vaziyatlarda kutilgan natijalarga erishishga sharoit yaratadi. Ta’limning vazifasi o‘quvchilarni kelajakda muvaffaqiyatga erishishlari uchun zaruriy kompetensiyalar bilan ta’minlashdan iborat.Bular sababli ular globallashuv jarayonida tez o‘zgarib borayotgan, savodxonlik va raqamlash ilgari surilgan va hozirgi zamon talablariga ega moslashuvchan ishchilarni dunyoga moslashishiga yordam beradi. Kreativ fikrlashni o‘quvchi yoshlar egallashi natijasida ularda dolzarb muammolarni yechish uchun yangi texnologiyalardan foydalanib, hali yaratilmagan sektorlarda ishlash, shu qatorda mashina bajara olmaydigan ishlarni bajarish va global muammolarni yechish qobiliyatlari rivojlanadi.Maktablarda ham o‘quvchilarni kreativ fikrlashga bo‘lgan ehtiyoji maktab bozori talabidan kelib chiqqan holda ortmoqda.Maktablarning jamiyat hayotidagi ahamiyati shundan iboratki:o‘quvchilarni jamiyatning bir qismi ekanligini his qilgan holda,jamiyat ravnaqi uchun o‘z hissalarini qo‘shish va uning oldidagiburchlarini bajarish kabi tuyg‘ularni ularda oshirishdir.Xalqaro tadqiqotlar esa o‘quvchilarda kreativ fikrlashini oshirish orqali ularning, tajribalar, hodisalar va shu qatorda vaziyatlarni yangicha uslubda yondashishini ta’minlaydi, bilim olishiga yordam beradi.O‘quvchining fikrlashi, qiziquvchanligini tezlashtirish va rag‘batni oshirish uchun uning ijodkorlik imkoniyatlari shuningdek yangicha qirralarini ochib beradigan yangi uslubdagi texnologiya va o‘rganish shakllari shakllantirilishi kerak. Bu kabi rivojlanish uslublari ta’lim olishi sust o‘quvchilarni o‘z fikrini ifodalash hamda qiziqishlarini ortishiga yordam beradi. Kreativ fikrlash ham boshqa qobiliyatlardek maqsadli va amaliy mumkin.Bazi o‘qituvchilar nazarida o‘quvchinikreativ fikrlashini oshirish o‘quv dasturidan tashqari boshqa faoliyat turiga jalb qilishdek ko‘rinadi. Aslini olganda esa, o‘quvchilar mavjud hamma fanlar kesimida kreativ fikrlay olish qobiliyatlari hisobga olinadi. Kreativ fikrlashning afvzal tomonlaridan yana biri o‘quvchiga yotlatish usuli bilan emas, izlanish va kashfiyotchilik qobiliyatlarini qo‘llab-quvvatlash orqali asosiy bilimni egallashga erishiladi.

PISA 2022 tadqiqotlari faqatgina 15 yoshli o‘quvchilarning kreativ fikrlash jarayoniga ko‘proq e’tibor qaratadi. Bu xalqaro tadqiqot faqatgina ijodkoro‘quvchilarni ajratmasdan, balki o‘quvchilarning fikrlashini orttirish hamda fikrini ifodalashda va bu kabi qobiliyatlarini o‘qitish jarayoni maktab faoliyati yoki ta’limning boshqa xususiyatlari bilan qanchalik uzviyligini baholaydi.

PISA tadqiqotlarining oldidagi asosiy ishi ta’lim sohasi va pedagogikada katta natijalarga erisha oladigan kreativ fikrlash ko‘nikmasiga tegishli xalqaro darajadagi ma’lumotlar berishdan iborat. Shuni takidlash kerakki kreativ fikrlash ko‘nikmasi ta’lim olish jarayonida shakllanishi, uning o‘rta ta’lim maktab o‘quvchilarini o‘qitish jarayonida kreativ fikrlashining imkoniyatlari aniq natijalarga olib keladi. Bu jarayonda o‘quvchilarning o‘zlashtirishidan kelib chiqqan holda, beriladigan topshiriqlar maktabda o‘qitiladigan fanlar bilan uzviy bog‘langan bo‘lishi,amaliy hamda test topshiriqlari sinfda yoki sinfdan tashqari bajariladigan topshiriqlarga yaqin oddiy va sodda bo‘lishi kerak. PISA tadqiqotlarida kreativ fikrlashning turli jihatlari haqida ma’lumot yig‘ish biroz qiyin. Ammo bu asosiy vazifalardan biri hisoblanadi. PISA dasturida o‘quvchilarni kreativ fikrlashini baholash test va umumiy ma’lumot qismlaridan tashkil topgan. Testlarda mulohaza qilish, baholash uchun zarur topshiriqlar bilan ishlash jarayonida beriladigan ma’lumotlar o‘quvchini kreativ fikrlashinirivojlantirish darajasida bo‘ladi. To‘plangan umumiy ma’lumotlar o‘quvchilarningkreativ fikrlashini o‘stirishga qaratilgan boshqa kreativ yondashuvlar (ochiqlik, maqsadga yo‘naltiriganlik, ishonchlilik) sinf va sinfdan tashqari mashg‘ulotlardagi aktiv ishtiroki orqali to‘ldiriladi.

1-rasm. Baholash uchun taklif etilgan faoliyat sohalari

Kreativ fikrlash nima?

Kreativ fikrlash — bu qimmatli va asl g'oyalarni yaratishga olib keladigan fikrlash yo’nalishidir. Barcha insonlar ijodiy fikrlash hamda «kundalik» ijodkorlik (kundalik muammolarga nostandart tarzda yechim topish) bilan shug'ullanishlari mumkin. Ijodiy fikrlash nafaqat ijodiy asarlarni yaratish yoki san'at bilan bog'liq tasavvur etish vaziyatlarida, balki muammolarni yoki ijtimoiy masalalarni hal qilish kabi boshqa sohalarda funktsional bo'lgan vazifalarda ham qo'llanilishi mumkin.

PISA baholash dasturi doirasida o‘quvchilarning turli xil va o'ziga xos g'oyalarni yaratish qobiliyati, shuningdek, turli vaziyatlarda yoki «sohalarda» g'oyalarni baholashi va takomillashtirishi o'rganiladi. Baholash to'rtta sohani o'z ichiga oladi: yozma ifoda, vizual ifoda, ijtimoiy muammolarni hal qilish va ilmiy muammolarni hal qilish. Ushbu sohalarning har birida o‘quvchilar tomonidan bitta to'g'ri javobi bo'lmagan ochiq topshiriqlarni bajaradilar. Ulardan alohida bir nechta javoblarni taqdim etishlari yoki oddiy bo'lmagan javob yaratishlari so'raladi. Ushbu javoblar ijodiy matn yoki vizual tasvir shaklida muammoning yechimi bo'lishi mumkin.Nima uchun o‘quvchilarda kreativ fikrlashni rivojlantirish muhim hisoblanadi?Kreativ fikrlash o‘quvchilarning tajribalarini, harakatlarini, voqealarni yangi va shaxsan mazmunli talqin qilishlarini qo‘llab-quvvatlash orqali ularning ilmiy qiziqishi va yutuqlariga, o‘z-o‘zini anglashi va ijtimoiy-emotsional rivojlanishiga ijobiy ta’sir ko‘rsatishi mumkin.

Sinfdan tashqari, ijodiy fikrlash o‘quvchilarga doimiy va tez o'zgaruvchan dunyoga moslashishga yordam beradi. O‘quvchilarning ijodiy fikrlashlarini qo‘llab-quvvatlash ularga o‘zlari yashayotgan jamiyatning bugungi va kelajakdagi ishchilari sifatida rivojlanishiga hissa qo‘shishga yordam beradi: dunyodagi turli tashkilotlar va jamiyatlar yuzaga kelayotgan murakkab muammolarni hal qilish uchun innovatsiyalar va bilimlarni yaratishga tobora ko‘proq tayanib, jamoaviy uyushma sifatida innovatsiyalar va ijodiy fikrlashga ahamiyat bermoqda. [1]Shuni takidlash joizki, kreativ fikrlashni baholash tizimida sohalar qancha ko‘p kiritilsa,qamrab olinayotgan tushincha ham yetarlicha bo‘ladi. Mana shunday holatda ham, PISA tadqiqotlariga qo‘yiladigan amaliy va mantiqiy cheklovlar PISA 2022 o‘quvchilarning fikrlashini baholashda asosiy rol o‘ynaydi. Birinchi cheklov tadqiqotda nazarda tutilgan 15 yoshli o‘quvchilar cheklangan darajadagi bilim va ko‘nikmaga ega bo‘lsada, baholash uchun tanlangan mashg‘ulotlar dunyoning ko‘p sonli o‘quvchilari egallashi mumkin bo‘lgan bilim va ko‘nikmalarga tayangan bo‘lishi shart. Ikkinchi cheklov test ishlash vaqti me’yorlangan. O‘quvchilar PISA baholash talabidan kelib chiqqan holda bir soatga mo‘ljallangan kreativ teslarni ishlashi kerak.PISA tadqiqotlari faqat bitta o‘quvchini emas xalqaro miqyosdagi o‘quvchilarni baholashga mo‘ljallanganligi sababli, ularga har xil mavzudagi turli topshiriqli testlar takroran ham beriladi.Uchinchi cheklov esa PISA baholash dasturi standartida kreativ fikrlashni tekshiruvchi testlardan foydalanish shart. Bu teslar internetga ulanmagan monitori sensorli bo‘lmagan kompyuterlarda tekshiriladi. Bu cheklovlarni hisobga olgan holda, PISA 2022 o‘quvchilarning kreativ fikrlashini baholash dasturi ikkita tematik mazmun sohasini ichiga oladi, ular quyidagilar: “ kreativ ifoda, bilib hosil qilish va muammoni kreativ hal qilish”.Baholashning to‘rt faoliyat sohasi 15 yoshdagi o‘quvchilarning o‘zlashtiradigan kreativ fikrlash topshiriqlarini ichiga oladi va real dunyo to‘g‘risidagi tasavvurni yoki kreativ fikrlashni ko‘rsatib beradi. [2]bilan tanishaylik

Yozma ifodalash : maktab va maktabdan tashqari muhitda yozma ifodalash kreativ ifodalashning tabiiy usulidir. Bu orqali o‘quvchilarda kognitiv, nutq,muloqat qila olish va boshqa qobiliyatlarini rivojlantirishga erishiladi. Haqiqiy kreativ yozuvchiyozgan yozma ifoda tushinishga oson, tavsilotga boy vaeng muhimi mantiqiy bog‘liqlikka tayanadi. Kitobxondan esa tasavvur qilish va tushinishgina talab etiladi. Yozma ifodani yaratayotgan yozuvchi yozuvida kechayotgan voqea jarayonlarning mazmun mohiyatiga hattoki o‘zgalar kechinmalari va matnlariga javobgar bo‘ladi.Kreativ yozuvchi yaratgan kreativ yozmalar orqali kitobxon borliqni anglash umumiy qilib aytganda, hissiy va intellektual qobiliyatlarga ega bo‘ladi. Yozma kreativlik o‘quvchiga hayotni to‘laligicha anglash, hamda ijtimoiy muhit bilan muloqat qilish kabi yutuqlarni beradi.. [3]

Vizual ifodalash : Bu sohaning boshqa sohalardan farqli tomoni shundaki, bunda o‘quvchilar har xil ko‘rgazmali vositalar,jarayolar va axborot materiallaridan foydalangan holda yangicha tajribalarni kashf etadi, laborotoriya yoki boshqa tajribalar orqali sinaydi,mustaqil fikrlashini oshira oladi. Kreativ visual ifodalash hozirgi kudagi eng ommabop soha hisoblanadi. XXI asr texnologiya asri bo‘lganligi sababli, raqamli kommunikatsiya tizimi rivojlanganligi matn va tasvirlarni avtomatik ravishda uzatish va loyihalashtirish imkonini beradi. Vizual fodalash sohasida berilgan testlarda o‘quvchilar raqamli chizma uskunalardan foydalangan holda, ochiq visual mashg‘ulotlarni bajaradi. Berilgan matnli ma’lumotlar va rag‘batlantiruvchi savollardan foydalanib vizual mulohaza taklif etish, qo‘shimcha ma’lumotlarga asosan turli vizual ifodalarga taklif yoki o‘zgartirishlar kiritish talabi qo‘yiladi.

Ijtimoiy muammolarni hal qilish: Kreativ fikrlash ko‘nikmasidan o‘quvchilar individual va ijtimoiy muammolarni hal qilishda ham foydalanadilar.Ijtimoiy muammolarni hal qilish bo‘limida muammoga ijtimoiy ravishda yondashiladi. Bunda mavjud muammoga ijtimoiy jihatidan qaraladi, ya’ni muammo shaxsiy, ta’limiy hamda ijtimoiy globalligidan qat’iy nazar har bir shaxsning ehtiyojlariga yechim topish yo‘llari izlab topiladi. Bu sohada o‘quvchilarning kreativ fikrlashi orqali innovatsion,global muammolarning amaliy yechimi, ijtimoiy guruh ehtiyojlarini aniqlash, o‘zgalar fikriga ijobiy munosabat bildirish kabi qobiliyatlari rivojlanadi. Itimoiy muammolarni hal qilish doirasida tuzilgan testlardagi topshiriqlarni bajaruvchi o‘quvchilardan, qo‘yiladigan muammo shaxsiy yoki global bo‘lishidan qat’iy nazar muammoga ijtimoiy yechim topiladigan g‘oyalarni to‘plash talab etiladi.

Ilmiy muammolarni hal qilish: Ilmiy sohadagi kreativ fikrlash quyidagi usullar orqali vujudga kelishi mumkin:farazni oshiradigan tajribalar doirasida, bilimni rivojlantiradigan g‘oyalar asosida, amaliy qiziqishni oshiradigan g‘oyalarni olg‘a surish, ixtirolar va yangicha muhandislik rejalarini ishlab chiqish kabilar. Beriladigan so‘rovnoma sessiyalarida o‘quvchilar xohlagan usuldagi materiallar bilan istagan tajribani bajarish va yangi ixtirolarni kashf etishlari mumkin bo‘ladi.Ilim-fan sohasida kreativ fikrlash ilmiy izlanish ko‘nikmalariga uzviy bog‘langan.Ilmiy muammolarni yechimini topishga doir berilgan mashg‘ulotlar har xil ilmiy kontekstlarda kreativ fikrlashning xilma-xil jihatlarini o‘z ichiga oladi.Bunda o‘quvchilar ilmiy kontekstdagi ochiq turdagi muammoni yechimini topishga doir mashg‘ulotlarni bajarishi, berilganlardan foydalanib, ilmiy ma’nodagi farazlarni beradigan fikr va g‘oyalarni olg‘a surishi yoki muammo yechimi va tajribalarni o‘zgartiruvchi taklif berishi kerak bo‘ladi.Interfaol simulyatsiyalar va o‘yinlar ilmiy muammoni yechimini topishda kreativ fikrlashni baholashda yasxshi natija bradigan usullar qatoriga kiradi,sababi shundaki bu kabi muhitlar o‘quvchilarning shaxsiy tanlagan tanlov hamda harakatlariga bildira oladigan fikrini bilish,ularning bildira olgan munosabatiga qarshi harakatlari, ilmiy innovatsiyalar bilan belgilanadigan uddalay olmaslik va kashf eta olish jarayonida ularning ishtiroki orqali mana shunday baholash imkoniyatlarini bera oladi.

Kreativ fikrlashning kompetensiyaviy modeli

PISA xalqaro dasturida ishlatiladigan g‘oyalar quyidagicha bo‘lishi mumkin.Yozma, vizual, ijtimoiy muammo hamda ilmiy hodisaga doir savollarga javob ko‘rinishida. Test bo‘limlarida o‘quvchilarni yangicha fikr-mulohazalarini bildira olish qobiliyatini aniqlab beradigan ochiq turdagi topshiriq hamda kontekstlar taqdim etiladi.Bunda test bo‘limlarining natijasi xalqaro darajadagi kreativ fikrlashning barcha qirralarini ochib bera oladi.Mana shunday sharoitdaham test bo‘limlari kompetensiya modelining hamma qirralarini nazoratiga ola bilmaydi.O‘quvchilarning g‘oyalarini baholash o‘ziga yarasha kognitiv ko‘nikmalar,sohaviy va ijodiy tajribalar zaruratini uyg‘otadi.Shaxsning qanchalik ko‘p g‘oyalar bildira olishi uning kreativ fikrlash qobiliyatini ko‘rsatib beradi. Bu holat uning teran fikrga ega ekanligini ko‘rsatadi.Kreativ fikrlash biror maqsadnioldiga qo‘yadi va kerakli natija berish bilan yakun topadi. Kutilgan tarzdagi kreativ fikrlash ko‘nikmasi noodatiy bo‘lmagan yangilik yaratish bilan emas, kerakli natijani beradigan ijodiy faoliyat ekanligi bilan xarakterlanadi.O‘quvchilarning fikrlash jarayonlarini baholab borish, samarali va mahsuldor g‘oyalar topishga yordam beradi.Bu jarayonlarda yangi g‘oyalar topiladi yoki mavjud g‘oyalar qaytadan shakllanadi.Takrorlash va baholash jarayonlari kreativ fikrlashning asosi bo‘la oladi. Tashqi tomondan boshqa shaxslar beradigan g‘oyalardagi kamchilik va qulayliklarni aniqlay olish qobiliyati tufayli hosil qilingan ko‘nikma jamoa bo‘lib ishlashning asosi bo‘lib xizmat qiladi.. [4]

Ta’lim jarayonida kreativ fikrlash imkoniyati va uning namoyon bo‘lishi quyidagicha

Maktablar kreativ fikrlash konikmasi, aqliy ko£nikmalar, bilim sohasining tayyorligi (ma’lum sohaga tegishli bilim va tajriba), yangi goyalar va tajribalarga nisbatan ochiqlik, boshqalar bilan ishlash konikmasi yoki boshqalar fikri bilan kelishish (hamkorlik), qiyinchilikka duch kelganda o'z maqsadiga erishishga harakat qilish, insonning ijodkorlikka nisbatan qobiliyatiga ishonish (maqsadga yo'naltirilganlik va ishonch) shu bilan birga, topshiriqni bajarishga ragbatlantirilganlikni o'zlashtirish uchun oquvchilarning ichki imkoniyatlarining (bundan buyon “kreativ fikrlash ko£nikmasini individual namoyon qiluvchilar”) turli jihatlariga ta’sir ko'rsatishi mumkin [5].

Sinfda kreativ fikrlashni bunday o‘ziga xos tarzda namoyon etuvchi omillar bir-biriga o‘zaro chambarchas bog‘langan. Kreativ fikrlashni ijtimoiy jihatdan rag‘batlantiruvchi omillar umumiy madaniy tartiblar yoki qonuniyatlar yordamida o‘z-o‘zidan shakllanadi, Ta’lim olish jarayonida oquvchilarning kreativ fikrlash qobiliyatlarini ragbatlantirilishi ularning yaratuvchanlik qobiliyatlariga bo‘lgan ishonchini, o‘zini o‘zi boshqarish xususiyatlarida va faoliyatlarida (jumladan qat’iylik va sabr-matonatda) samaradorlikni oshirishga qaratilgan bu o‘z navbatida, oquvchilarning individual qobiliyatlarini rivojlantiruvchi omillar qayidagitarzda shakllanishi va mustahkamlanishiga ta’sir ko‘rsatadi.

Ichki ijodiy samaradorlik insonni biror vazifani ijodkorona amalga oshirish qobiliyatiga ega bolishi uchun kerakli ishonchga nisbatan aytiladi. Maqsadga yo‘nalganlik va kreativlik borasida o‘z-o‘ziga ishonch bir-biri bilan chambarchas boglangan bo‘lib, ayrim tadqiqotchilar insondagi ichki ijodiy samaradorlikuning qiyinchilikka qaramasdan harakat qilishi va nihoyat oldiga qo‘ygan vazifani to‘liq bajarishini aniqlashda muhim ahamiyatga ega, deb hisoblaydi.Insondagi bunday qat’iy ishonch, o‘z navbatida, insonda mavjud bo‘lgantirishqoqlik, kayfiyat va bajarilishi kerak bo‘lgan vazifaning ijtimoiy holatiga bog‘liq bo‘ladi [2]

Soha tayyorlgarligi deb insonga biror ijodiy ishni muvaffaqiyatli amalga oshirishi uchun ma’lum sohaga oid muayyan darajadagi avvaldan mavjud bo‘lgan bilim va tajribaning talab etilishiga aytiladi. Shundan xulosa chiqarish mumkinki, insonda bilim qanchalik ko‘p bo‘lsa, u sohaga oid turli ma’lumotlar o‘rtasidagi bogliqlikni yaxshiroq tushunadi va ijodiy goyalarni kashf etish imkoniyati kattaroq bo‘ladi [6]

Tajriba va bilim olishga ochiqlik

“Kreativ insonlar»ni tavsiflovchi shaxsiy xususiyatlarni aniqlashga doir juda ko‘p adabiyotlar mavjud. Kreativ insonlarning shaxsiyati haqida xulq-atvorini o‘rganuvchi empirik tadqiqotlarda, odatda anketa vositalaridan foydalaniladi va ijodkorlikni nisbatan barqaror shaxsiyat fazilati sifatida ishlatadi. Mazkur tadqiqotlar kopchilik kreativ insonlar fikrlashga va shuning bilan birgalikda, “ochiqlikka” ishtiyoqmand ekanini: ya’ni ularda ham “tajribaga ochiqlik” ham “bilim olishga ochiqlik” (garchi ikkala variant ham kattaroq «ochiqlik» faktorini oz ichiga olgandek ko‘rinsa ham) mavjud eganligini ko‘rsatadi

Jamoaviy yondashuv qobiliyati bilim va ko‘nikmaning hosil qilinishida ham, ta’lim olish jarayonida ham muhim ahamiyatga ega. Maktablar oquvchilarning boshqa tengqurlari bilan fikr-mulohazalarini o‘rganish jarayonida o‘zlari uchun kashf etishlari yoki rivojlantirishlari hamda yangidan-yangi bilim va konikmlalarni birgalikda ozlashtirishlari uchun imkoniyat yaratadi. Oquvchilar boshqalarning fikr-mulohazalarini hurmat qilishni, birgalikda ishlash ko‘nikmasini hosil qilishni va jamoaviy harakatlanishni o‘rganishlari kerak. [7], [11].

Topshiriq motivatsiyasi

Kreativ yondashuvga asosiy turtki bo‘ladigan topshiriq motivatsiyasi Amabail tomonidan amalga oshirilgan tadqiqotlarda o‘z aksini topgan. Bundan kelib chiqadigan asosiy xulosa shundan iboratki, insonlar yuqori darajadagi konikmalarga ega bo‘lishlari uchun yuqori darajadagi kreativ salohiyatga ega bo‘lishlari kerak, ammo ularga yetarli darajada motivatsiya berilmasa, kreativ yondashuvni amalga oshira olmaydilar.. [8].

Xulosa:

Ta’lim sohasida olib borilgan bir qator izlanishlar orqali bilim va ko‘nikmalarning hosil qilinishi ehtimolini oshiradigan o‘qitish yoki o‘rganishning turli usullari tadqiq etildi. Olib borilgan tadqiqotlar shuni ko‘rsatadiki, kreativ fikrlash bilim va ko‘nikmalarni hosil qilishga imkon beruvchi jamoaviy muhitda birgalikda ishlash orqali samarali rivojlantirilishi mumkin. Boshqacha aytganda, maktablar bilim va ko‘nikmalarni hosilqiluvchi tashkilot sifatida faoliyat ko‘rsatib, unda o‘quvchilar yangidan-yangi g‘oyalar bilan sug‘orilgan ijodiy va muntazam faoliyat turi bilan faol shugullanadi. Qachonki bilim hosil qilish jarayoni ta’lim jarayonining ajralmas qismi bo‘lgan maqsadli faoliyatga, ya’ni kundalik faoliyat turiga aylansa, oquvchiyangidan-yangi fikr-mulohazalari va mazkur fikr-mulohazalarni doimiy rivojlantirib boradigan amaliy faoliyatlar bilan jamiyat rivojiga o‘z hissasini qoshadi

Bilim “dunyoga savol to‘la hayrat ko‘zi bilan qarash” orqali ham hosil qilinishi mumkin.

Dunyoga savol to‘la hayrat kozi bilan qarash deganda oquvchining dunyoni anglashga urinish jarayoni tushuniladi va bu o‘quvchilarni turli hodisalar borasida o‘zlarining fikr-mulohazalarini ilgari surishlariga turtki bo‘ladi.

Kreativ yondashuv

O‘quvchilarning kreativligi ularning ijodiy fikrlash qobiliyatlarida, ayniqsa ijodiy fikrlash jarayonining aksariyati “ko‘rinmas” vazifalarni bajarishda namoyon bo‘ladi.O‘quvchining ijodiy barkamolligi uning kreativ fikrlash jarayonini muvaffaqiyatli amalgaoshgan yoki oshmaganini aniqlashda katta ahamiyat kasb etadi.

Yillar mobaynida insonning bir necha sohalardagi ijodiy barkamolligining ahamiyati va uning tahlili borasida ko‘plab adabiyotlar vujudga kelgan. Ushbu yozilgan adabiyotlarda berilgan ta’riflarga ko‘ra, kreativ barkamollik ma’lum ijtimoiy sohaga nisbatan yangi va foydali, deb qaralgan. Ta’lim jaryonida esa kreativ yondashuv o‘zining “kundalik” shakliga egadir. Masalan, u yozish, chizish, musiqa yoki “san’at”ning boshqa sohalarining ifodaviy faoliyati, yangi bilim va tushunchalar hosil qilish, yoki turli ochiq turdagi savollarga kreativ yechimlar topish orqali namoyon bo‘ladi.

Adabiyot:

1. https://tsbm.uz/uploads/news/49e2a80e5889f9ea332de232a2928e17.jpg http://psycnet.apa.org/record/1988–98009–002 (accessed on 29 March 2018).
2. Begetto, R. and M. Karwowski (2017), “Toward untangling creative self-beliefs”, inKarwowski
3. Tompkins, G. (1982), “Seven Reasons Why Children Should Write Stories”, LanguagArts, Vol. [3] 59/7, pp.718–721, https://www.jstor.org/stable/41405103.
4. A. A. Ismoilov,X. J. Daminov Z. A. Kosimova G. A. Primov “Kreativ fikrlashni baholash”.Toshkent- 2021
5. Begetto, R. and J. Kaufman (2010), Nurturing creativity in the classroom, Cambridge University Press.
6. Hatano, G. and K. Inagaki (1986), “Two courses of expertise”, in Stevenson, H., H. Azuma and [6] K. Hakuta (eds.), Child Development and Education in Japan, Freeman, New York.
7. Starko, A. (2010), Creativity in the Classroom: Schools of Curious Delight, Routledge.
8. Amabile, T. (1997), “Motivating creativity in organizations: on doing what you love and loving [8] what you do”, California Management Review, Vol. 40/1, pp. 39–58, http://dx.doi.org/10.2307/4 1165921.
9. Baer, J. (2016), “Creativity doesn’t develop in a vacuum”, in Barbot, B. (ed.), Perspectives on
10. Amabile, T. (1983), “The social psychology of creativity: A componential conceptualization”
11. Scardamalia, M. (2002), “Collective Cognitive Responsibility for the Advancement of Knowledge”, [11] in B. Smith (ed.), Liberal education in a knowledge society, Open Court, Chicago.
12. Усмонова, О. Н. Tarbiyasi og‘ir o‘quvchilar bilan fizika fanida ishlash / О. Н. Усмонова, М. И. Шокиржонова, З. Ё. Мелибоева, К. Т. Тиллабоев. — Текст: непосредственный // Молодой ученый. — 2022. — № 48 (443). — С. 621–623.
13. Tillaboyev, K. T., & Usmanov, Sh.. (2022). Maktablarda fizika fanini o‘qitishda matematikaning o‘rni. Academic Research in Educational Sciences, 3(11), 461–464.
14. Tillaboyev, K. T., & Usmanov, Sh.. (2022). Fizikani o‘qitishda zamonaviy usullardan foydalanish. Academic Research in Educational Sciences, 3(11), 18–24.
15. K.T. Tillaboyev I.U. Tadjibaev (2022). Astronomiya darslarida fotometriyani o‘qitishning asoslari. Fizikaning rivojida fundamental-innovatsion tadqiqotlar va uning istiqbollari, 144–146
16. Г. К. Абдусаминова, Н. Б. Отожонова, К. Т. Тиллабоев. Параметр анизотропии скоростей для избранных систем шаровых скоплений. Научно-практические исследования 4–5.
17. Tillaboyev K. T. Astronomiya darslarida fotometriyani o‘qitishning usullari. «Экономика и социум» № 12(103) 2022
18. Usmonov Sh.F. Fizika darslarida tabiatdagi energiyalar mavzularini tushuntirishda zamonaviy metodlardan foydalanish. «Экономика и социум» № 12(103) 2022
19. Усмонова, О. Н. Tarbiyasi og‘ir o‘quvchilar bilan fizika fanida ishlash / О. Н. Усмонова, М. И. Шокиржонова, З. Ё. Мелибоева, К. Т. Тиллабоев. — Текст: непосредственный // Молодой ученый. — 2022. — № 48 (443). — С. 621–623.
20. И. У. Таджибаев, Г. К. Абдусаминова, К. Т. Тиллабоев. Расчет параметра анизотропии для системы шаровых скоплений вокруг NGC 4472. Научнопрактические исследования 17–20.